ZEFEKSAL, TABLETLƏR

Zefeksalın tərkibində feksofenadin-hidroxlorid vardır. Köməkçi maddələr nişasta, mikrokristallik sellüloza, natrium kroskarmelloza, maqnezium-stearat, opadray 21S20059 purple.

Zefeksal sedativ təsiri olmayan antihistamin preparatdır. Periferik H1-histamin reseptorlarını selektiv olaraq blokadaya alır. Feksofenadin hematoensefalik baryerdən keçmir və beləliklə mərkəzi sinir sisteminə sedativ və digər əlavə təsirlər göstərmir. Bir ay aparılan müalicədən sonra tolerantlıq yaranmır.

Daxilə qəbul edildikdən sonra preparat tezliklə mədə-bağırsaq traktından absorbsiya olunur. Cmax təxminən 2,6 saat ərzində yaranır. Gündə 1 dəfə 180 mq və 120 mq qəbul etdikdə Cmax müvafiq olaraq 494 nq/ml və 427 nq/ml olur.

loading...

Plazma zülalları ilə 60-70%-i birləşir. Qəbul edilən dozanın cəmi 5%-i metabolizmə uğrayır: əsas hissəsi bağırsağın selikli qişasında, digər 0,5-1,5%-i qaraciyərdə. Yarımparçalanma dövrü 11-15 saatdır. Sidik və nəcislə xaric olur.

Böyüklərdə və 12 yaşdan yuxarı uşaqlarda xroniki idiopatik övrə xəstəliyinin simptomatik müalicəsi.

Əks göstərişlər: Preparatın hər hansı komponentinə qarşı yüksək həssaslıq.

Digər dərman vasitələri ilə qarşılıqlı təsiri:

Feksofenadin qaraciyərdə biotransformasiyaya uğramır və beləliklə qaraciyərdə metabolizmə uğrayan digər preparatlarla qarşılıqlı təsirə girmir.

Müəyyən edilmişdir ki, feksofenadin-hidroxlorid eritromisin və ketokonazolla birgə istifadə edildikdə feksofenadinin plazma konsentrasiyası 2-3 dəfə artır. Çox güman ki, bu, qastrointestinal absorbsiyanın artması və ya ödlə eliminasiyanın azalması ilə əlaqədardır.

Bu dəyişikliklər EKQ zamanı QT intervalına heç bir təsir göstərməmişdir.

Tərkibində alüminium və maqnezium olan antasidlərin qəbulundan 15 dəq. sonra feksofenadinin biomənimsənilməsinin azalması müşahidə olunur.

Antasidlərlə feksofenadinin qəbulu arasında ən azı 2 saat interval olmalıdır.

Xüsusi göstərişlər:

Tərkibində alüminium və maqnezium olan antrasitlərlə 15 dəq. az bir zaman müddətində birgə istifadəsi feksofenadinin AUC-nun (əyri altında sahə) 41%-ə və Cmax 43%-ə qədər azalmasına   səbəb olur. Yaşlı, böyrək və ya qaraciyər pozğunluğu olan xəstələrdə hər hansı bir doza korreksiyasına ehtiyac yoxdur (ancaq, bütün yeni dərmanlarda olduğu kimi, feksofenadin-hidroxlorid bu risk qruplarında diqqətlə istifadə edilməlidir).

Hamiləlik (C kateqoriyası):

Hamilə qadınlarda feksofenadin-hidroxlorid-in istifadəsi haqqında hər hansı bir məlumat yoxdur. Hamiləlik dövründə o halda istifadə oluna bilər ki, ana üçün gözlənilən fayda döl üçün potensial riskdən üstün olsun.

Laktasiya:

Feksofenadin ana südünə nüfuz edir. Ona görə də laktasiya dövründə preparatın istifadəsi üçün zərurət yaranarsa, o zaman ana südü ilə qidalandırmanı dayandırmaq lazımdır.

İstifadə qaydası və dozası: Böyüklərə və 12 yaşdan yuxarı uşaqlara gündə 1 dəfə 180mq dozada təyin olunur.

Əlavə təsirləri:

Aparılmış kliniki sınaqlar zamanı ən çox rast gələn aşağıdakı əlavə təsirlər olmuşdur:

baş ağrısı;

yuxarı tənəffüs yollarının infeksiyaları;

belağrısı;

soyuqdəymə;

sinusit;

başgicəllənmə, yuxululuq;

ürəkbulanma;

dismenoreya;

dispepsiya;

yorğunluq.

Gözlənilməz effektlər baş verdikdə həkimə müraciət edin.

Doza həddinin aşılması: Məlumat çox məhduddur.

Simptomları: başgicəllənmə, yuxusuzluq və ağızda quruluq.

Müalicəsi: absorbsiyaya uğramamış preparat MBT-dən standart üsullarla xaric edilir. Ehtiyac olarsa simptomatik və dəstəkləyici müalicə aparılır.

25°C – dən yüksək olmayan temperaturda, uşaqların əli çatmayan yerdə saxlanmalıdır. Aptekdən  resept əsasında buraxılır.

loading...

Bunlarıda bəyənə bilərsiniz ...